ພິທີຮັບເອົາມະຫາຊົນກ້າວໜ້າ ເຂົ້າເປັນສະມາຊິກພັກ

ໃນຕອນເຊົ້າຂອງວັນທີ 07 ມິຖຸນາ 2024 ທີ່ສະໂມສອນກະຊວງກະສິກຳ ແລະ ປ່າໄມ້. ໄດ້ຈັດພິທີຮັບມະຫາຊົນກ້າວໜ້າ ເຂົ້າເປັນສະມາຊິກພັກປະຊາຊົນປະຕິວັດລາວ ສໍາຮອງ ຈຳນວນ 04 ສະຫາຍ ຍິງ 02 ສະຫາຍ ຂອງຄະນະພັກຮາກຖານກົມຈັດຕັ້ງ ແລະ ພະນັກງານ ໂດຍໃຫ້ກຽດເປັນປະທານກອງປະຊຸມ ແລະ ໄດ້ມີຄຳເຫັນໂອ້ລົມຂອງ ສະຫາຍ ບຸນທະວີ ໄຊຍະເພັດ ກຳມະການຄະນະບໍລິຫານພັກກະຊວງ, ເລຂາຄະນະພັກຮາກຖານພັກ, ຫົວໜ້າກົມຈັດຕັ້ງ ແລະ ພະນັກງານ ພ້ອມດ້ວຍບັນດາໜ່ວຍພັກ ອ້ອມຂ້າງຄະນະພັກຮາກຖານ ກົມຈັດຕັ້ງ ແລະ ພະນັກງານ ແລະ ບັນດາທ່ານ ຕ່າງໜ້າ 03 ອົງການຈັດຕັ້ງມະຫາຊົນ ອ້ອມຂ້າງຄະນະພັກຮາກຖານກົມຈັດຕັ້ງ ແລະ ພະນັກງານ ເຂົ້າຮ່ວມທັງໝົດ 47 ທ່ານ,​ຍິງ 21 ທ່ານ

ໃນພິທີດັ່ງກ່າວ ບັນດາມະຫາຊົນກ້າວໜ້າ ຂື້ນຜ່ານ ໃບສຳຫຼວດຕົນເອງ ແລະ ໃບຄຳຮ້ອງຂໍເຂົ້າເປັນສະມາຊິກພັກປະຊາຊົນປະຕິວັດລາວ ເຊິ່ງປະກອບມີ:

1. ສະຫາຍ ນ. ຈັນສະໝອນ ຫຼວງສຸພົມ

2. ສະຫາຍ ນ. ອົ້ມມະນີ ລືເດດມູນສອນ

3. ສະຫາຍ ທ. ພຸດທະວີ ໂພສະຫວ່າງ

4. ສະຫາຍ ທ. ຈັນເພັດ ອິນທະວິໄຊ

ພາຍຫຼັງທີ່ບັນດາມະຫາຊົນກ້າວໜ້າ ຂື້ນຜ່ານ ໃບສຳຫຼວດຕົນເອງ ແລະ ຜ່ານໃບຄຳຮ້ອງຂໍເຂົ້າເປັນສະມາຊິກພັກປະຊາຊົນປະຕິວັດລາວ ແລ້ວ ສະຫາຍ ອຸລາພອນ ພົງສະຫວັດ ຄະນະພັກຮາກຖານກົດຈັດຕັ້ງ ແລະ ພະນັກງານ, ຮອງຫົວໜ້າກົມຈັດຕັ້ງ ແລະ ພະນັກງານ ກໍ່ຂື້ນຜ່ານມະຕິຕົກລົງ ວ່າດ້ວຍການອະນຸມັດເອົາມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວ ແລະ ໃນຕອນທ້າຍ ສະຫາຍ ບຸນທະວີ ໄຊຍະເພັດ ກຳມະການຄະນະບໍລິຫານພັກກະຊວງ, ເລຂາຄະນະພັກຮາກຖານພັກ, ຫົວໜ້າກົມຈັດຕັ້ງ ແລະ ພະນັກງານ ໃຫ້ກຽດຂື້ນຈັບມືຮັບຮອງເອົາສະມາຊິກພັກສຳຮອງໃໝ່ ແລະ ມອບມະຕິຕົກລົງ ພ້ອມກັບໃຫ້ຄຳໂອວາດຕໍ່ສະມາຊິກພັກໃໝ່ທີ່ຈະຕ້ອງໄດ້ເພີ່ມຄວາມຮັບຜິດຊອບຕໍ່ໜ້າທີ່ການເມືອງຂອງຕົນໃຫ້ສູງຂຶ້ນກວ່າເກົ່າ, ພ້ອມທັງໄດ້ເນັ້ນໃຫ້ຄະນະໜ່ວຍພັກຕະຫຼອດຮອດສະມາຊິກພັກທຸກສະຫາຍພາຍໃນໜ່ວຍພັກ ພ້ອມກັນກໍ່ສ້າງສະມາຊິກພັກໃໝ່ໃຫ້ກາຍເປັນສະມາຊິກພັກສົມບູນທີ່ມີຄຸນນະພາບ, ມີຄວາມຈົງຮັກພັກດີຕໍ່ອຸດົມການຂອງພັກ ແລະ ເຮັດລ້ອນໜ້າທີ່ການເມືອງຂອງຕົນໃຫ້ມີຜົນສຳເລັດເປັນກ້າວໆ ໃນຕອນທ້າຍ ສະຫາຍ ນ. ຈັນສະໝອນ ຫຼວງສຸພົມ ຕາງໜ້າໃຫ້ສະມາຊິກພັກສຳຮອງໃໝ່ ຂື້ນຮັບຄຳໂອວາດ ແລະ ປະຕິຍານຕົນ

ພາບ ແລະ ຂ່າວ ໂດຍ: ທະນົງ ສຸມິດຕອມ