ພິທີມອບ ໃບຍ້ອງຍໍ ກົມກອງລວມໝູ່ ແລະ ບຸກຄົນ ປະຈຳປີ 2022 ແລະ ປະຈຳປີ 2023

ໃນຕອນເຊົ້າ ວັນທີ 31 ກໍລະກົດ 2024 ທີ່ ກົມຈັດຕັ້ງ ແລະ ພະນັກງານ ໄດ້ຈັດພິທີ ມອບ-ຮັບ ໃບຍ້ອງຍໍ ກົມກອງລວມໝູ່ ແລະ ບຸກຄົນ ປະຈຳປີ 2022 ແລະ ປະຈຳປີ 2023 ໃຫ້ພະນັກງານ ພາຍໃນກົມຈັດຕັ້ງ ແລະ ພະນັກງານ ໃຫ້ກຽດເຂົ້າຮ່ວມ ແລະ ເປັນປະທານ ຂອງ ທ່ານ ບຸນທະວີ ໄຊຍະເພັດ ກຳມະການຄະນະພັກກະຊວງ, ເລຂາຄະນະພັກຮາກຖານ, ຫົວໜ້າກົມຈັດຕັ້ງ ແລະ ພະນັກງານ ມີບັນດາທ່ານ ຮອງຫົວໜ້າກົມ, ຫົວໜ້າພະແນກ, ຮອງຫົວໜ້າພະແນກ ແລະ ພະນັກງານຫຼັກແຫຼ່ງ ອ້ອມຂ້າງກົມຈັດຕັ້ງ ແລະ ພະນັກງານ ກໍເຂົ້າຮ່ວມຢ່າງພ້ອມພຽງ ລວມທັງໝົດ 27 ທ່ານ, ຍິງ 18 ທ່ານ.

ສັງລວມ ໃບຍ້ອງຍໍ, ໃບຊົມເຊີຍ ຜົນງານປະຈຳປີ 2022 ແລະ ປະຈຳປີ 2023 ໃຫ້ກົມກອງ ລວມໝູ່ ແລະ ບຸກຄົນ ມີລາຍລະອຽດດັ່ງລຸ່ມນີ້:

1. ໃບຍ້ອງຍໍກົມກອງລວມໝູ່ ຈຳນວນ 02 ໃບ, ປະຈຳປີ 2022 ແລະ ປະຈຳປີ 2023

2. ໃບຍ້ອງຍໍບຸກຄົນ ປະຈຳປີ 2022 ມີທັງໝົດຈຳນວນ 37 ທ່ານ, ຍິງ 20 ທ່ານ ແລະ ໃບຍ້ອງຍໍສ່ວນບຸກຄົນ ປະຈຳປີ 2023 ມີທັງໝົດຈຳນວນ 34 ທ່ານ, ຍິງ 20 ທ່ານ;

3. ໃບຊົມເຊີຍບຸກຄົນ ປະຈຳປີ 2022 ມີທັງໝົດຈຳນວນ 04 ທ່ານ, ຍິງ 04 ທ່ານ ແລະ ໃບຊົມເຊີຍບຸກຄົນ ປະຈຳປີ 2023 ມີທັງໝົດຈຳນວນ 04 ທ່ານ, ຍິງ 04 ທ່ານ.

ພາບ ແລະ ຂ່າວ ທະນົງ ສຸມິດຕອມ